#@%كلكم

Sunday, September 10, 2006

بيتك بيتك يا بت منّك ليها




نهار أسود يا بت

ده الراجل لو يطول يحط الوليّه منّنا في ننّي عينه من جوّه كان عملها.

هي هي هي..

و بتيجوا تسألوا احنا بنجيب توائم كتير ليه؟ ماهو من المنشّطات اللى اسمها فيراري دي ولاّ اسمها ايه دي اللى بيضطر ياخدها الراجل بعد الذل اللى بترموه في وشّه بعد ما يرجع من الغيط.

امشي يا بت منّك ليها انجرّي من أدامي متخلّينيش أندهلك أبا الحاج يربّيكي منّك ليها. حكم الحاج بيحب صنف النسوان.

دايما يقوللي عارفه يا أم عتريس... أنا أكتر حاجه أحبها النسوان.. بس لو يغسلوا لسانهم زي ما بيغسلوا سنانهم كده.

هي هي هي

و بعدين يقولّلي غسلتي سنانك يا بت؟

أقوله طبعا يا حج

يقولي طب متيجي.

دوّرولكم على حد يلمّكم بقى

الفيراري مش هي الحل